Heilbrigðiseftirlit Reykjavíkur hefur innkallað tvær gerðir af salatpokum undir vörumerkinu Náttúra eftir að viðskiptavinur fann tveggja sentimetra langa eðlu í salatskálinni hjá sér.
Viðskiptavinurinn hafði keypt bæði spínat og klettasalat og blandað innihaldinu saman í skál þegar hann varð var við eðluna. Ekki er því vitað hvort hún var í pokanum með klettasalatinu eða spínatinu og því eru báðar tegundir innkallaðar.
Um er að ræða 75 gramma poka af klettasalati og 100 gramma poka af lífrænu spínati. Fyrirtækið Innes flytur vörurnar inn.
Vörurnar eru innkallaðar í varúðarsjónarmiði með tilliti til neytendaverndar. Viðskiptavinum sem hafa keypt vörurnar er bent á að skila þeim í næstu verslun gegn endurgreiðslu, eða til Innnes ferskvörusviðs að Bæjarflöt 2 Reykjavík.
Eftirfarandi upplýsingar auðkenna vörurnar sem innköllunin einskorðast við:
Vörumerki: Náttúra
Vöruheiti: Klettasalat
Strikanúmer: 8711578570438
Nettómagn: 75g
Best fyrir: 04.10.17
Framleiðandi: Heemskerk
Framleiðsluland:Holland
Innflytjandi: Innnes ehf., Bæjarflöt 2, 112 Reykjavík.
Dreifing: Sölustaðir um land allt.
Vörumerki: Náttúra
Vöruheiti: Lífrænt spínat
Strikanúmer: 5690628006963
Nettómagn: 100g
Best fyrir: 10.10.17
Framleiðandi: Hollt og Gott
Framleiðsluland:Ítalía
Innflytjandi: Innnes ehf., Bæjarflöt 2, 112 Reykjavík.
Dreifing: Sölustaðir um land allt.