Lögreglan hafði afskipti af tveimur karlmönnum sem höfðu komið sér fyrir í mannlausu einbýlishúsi í vesturbæ Kópavogs á þriðjudaginn síðastliðinn. Húsið er í eigu Kópavogsbæjar en mennirnir voru handteknir vegna annarra ótengdra mála að sögn lögreglufulltrúa í Kópavogi.
Um er að ræða góðkunningja lögreglunnar en ekki er talið að nein ólögleg starfsemi hafi átt sér stað í húsinu heldur einungis að mennirnir hafi komið sér fyrir þar.