Vegna tilkomu Costco hefur eldsneytisverð á Íslandi hækkað mun minna síðustu mánuði en ella. Þetta segir Runólfur Ólafsson, framkvæmdastjóri Félags íslenskra bifreiðaeigenda (FÍB).
Heimsmarkaðsverð á bensíni var að meðaltali 51.987 krónur tonnið í júní en 67.337 krónur í fyrri hluta þessa mánaðar. Þar munar 29,5%.
Til samanburðar hækkaði verð í sjálfsafgreiðslu hjá N1 og Olís á höfuðborgarsvæðinu um 6,2% á tímabilinu og um 3,2% hjá Costco. Runólfur segir í Morgunblaðinu í dag, að þótt ekki sé lóðbeint samband milli innkaupsverðs og útsöluverðs á eldsneyti staðfesti þessi munur að álagningin hafi minnkað mikið á höfuðborgarsvæðinu.