Tvær byggingar á Landspítalalóðinni við Hringbraut verða endurbyggðar á næsta ári vegna myglu sem í þeim greindist, svo húsin eru í raun ónýt.
Þetta eru tvö hús, samanlagt um 850 fermetrar, þar sem rannsóknir í sýklafræði og litningafræðum hafa verið. Meðan á endurbyggingu stendur verður starfseminni meðal annars komið fyrir í gámum og stöðuleyfi vegna þeirra liggur fyrir hjá borginni.
Byggingarnar, sem stendur til að endurnýja, voru byggðar fyrir rúmlega 40 árum og liggja að Barónsstíg, að því er fram kemur í umfjöllun um mál þetta í Morgublaðinu í dag.