Fengu 69 umsagnir um rafrettur

Meirihluti velferðarnefndar Alþingis leggur til að frumvarp um rafrettur og áfyllingar fyrir þær verði samþykkt með nokkrum breytingum.

Frumvarpinu er ætlað að setja skýrar reglur um sölu, markaðssetningu og notkun á rafrettum auk þess sem í því eru ákvæði um eftirlit með innflutningi, dreifingu og sölu.

Mikill áhugi virðist vera á málinu og margir láta sig það varða. Þannig gengu 17 einstaklingar á fund velferðarnefndar þegar rætt var um frumvarpið og alls bárust henni 69 umsagnir um það, að því er rfam kemur í Morgunblaðinu í dag.