Félag makrílveiðimanna telur óásættanlegt að færa einhvern hluta heimilda félagsmanna sinna á silfurfati til stærstu útgerða landsins. „Það væri að fleygja barninu út með baðvatninu ef stjórnkerfi makrílveiða til síðustu átta ára væri kollvarpað til að örfá skip gætu veitt allan makrílkvóta Íslendinga,“ segir í ályktun félagsins. Hvatt er til þess að sérlög verði sett og Alþingi festi þannig í sessi núverandi stjórn makrílveiða og stöðvi þannig „skaðabótaklukku dóms Hæstaréttar“.

Í ályktuninni segir: „Vilji stjórnvalda hefur verið skýr frá 2010, að gefa fleiri útgerðum, en þessum fáu uppsjávarfyrirtækjum, tækifæri til að stunda veiðar á makríl. Þetta hefur verið staðfest af sex sjávarútvegsráðherrum í fjórum stjórnmálaflokkum. Samkvæmt dómnum hefur engum þeirra tekist að framkvæma vilja stjórnvalda með nógu lagalega réttum hætti. Til þess þarf nú að setja sérlög eða bæta við gildandi úthafsveiðilög.“

Tengdar fréttir

Makríldómar Hæstaréttar

Menn geti rétt ímyndað sér afkomu makrílveiða

• Bjarni: „Spyrjum að leikslokum“
• Ríkið hafnaði sátt og tapaði
• Ríkið dæmt í milljarða makrílbætur
• Tjón Hugins metið 540 milljónir í máli gegn ríkinu

» Fleiri tengdar fréttir