Einar Kárason tekur sæti á Alþingi

Einar Kárason rithöfundur tók sæti á Alþingi í dag sem varamaður Ágústs Ólafs Ágústssonar, þingmanns Samfylkingarinnar. Einar hefur ekki áður tekið sæti á þingi.

Ágúst Ólafur hefur verið í leyfi frá þingstörfum frá því í lok nóvember á síðasta ári í kjölfar þess að hann greindi frá því að hann hefði áreitt konu kynferðislega síðasta sumar.

Jóhanna Vigdís Guðmundsdóttir hefur setið á þingi í stað Ágústs frá því að hann fór í leyfi en Einar tekur nú við sem annar varaþingmaður Ágústs.

• 1 blogg um fréttina

Bloggað um fréttina

• Torfi Kristján Stefánsson: Eitthvað í staðinn fyrir listamannalaunin?