„Ég get staðfest að við sátum saman í tvígang undir lok síðustu viku. Það er útilokað að fara út í smáatriði þess samtals en það samtal átti sér stað meðal annars á þeim forsendum að Guðlaugur Þór var að velta því fyrir sér hvort við gætum gert breytingar í innra starfi flokksins og eftir atvikum með verkaskiptingu milli fólks,“ segir Bjarni Benediktsson, fjármála- og efnahagsráðherra, í samtali við mbl.is um fundi hans og Guðlaugs Þórs Þórðarsonar um­hverf­is- og orku- og lofts­lags­ráðherra.

Frétt af mbl.is

Guðlaugur segir rangt að hann hafi krafist fjármálaráðuneytisins

Guðlaugur Þór greindi frá því fyrr í kvöld að það væri ekki rétt að hann hafi gert kröfu um að fá að gegna embætti fjár­mála- og efna­hags­ráðherra í skipt­um fyr­ir að hætta við fram­boð til for­manns Sjálf­stæðis­flokks­ins líkt og frá var sagt í frétt Innherja.  

Bjarni segir að þessar mögulegu breytingar á innra starfi flokksins og á verkaskiptingu fólks hefðu að mati Guðlaugs mætt „væntingum þeirra sem hann er í mestum samskiptum við, eða hans stuðningsmanna.“

„Í stuttu máli lauk þessu samtali án þess að við næðum saman um þessa hluti og meira get ég eiginlega ekki sagt,“ segir hann. 

Rædduð þið mögulegar breytingar í fjármálaráðuneytinu?

„Það er meðal þess sem rætt var um, þ.e. breytingar á hlutverkum í ríkisstjórn,“ segir Bjarni að lokum. 

Tengdar fréttir

Landsfundur Sjálfstæðisflokksins 2022

Vilhjálmur Árnason kjörinn ritari

• Væri mikill heiður að leiða flokkinn
• Beint: Ávarp formanns
• Þórdís Kolbrún með afgerandi stuðning
• Allir flokksmenn hljóti að vilja vera saman í liði

» Fleiri tengdar fréttir

• 3 blogg um fréttina

Bloggað um fréttina

• Páll Vilhjálmsson: Fjárkúgun Gulla er ekki vandamálið
• Geir Ágústsson: Flokkurinn sem var einu sinni stór
• Ómar Ragnarsson: Mikilvægi fjármálaráðuneytisins á margra vörum.