Loftlína ákjósanlegasti kosturinn
Setja bókamerki
/frimg/1/39/45/1394505.jpg)
Ákjósanlegast er að Suðurnesjalína 2 verði loftlína. Þetta kemur fram í nýrri skýrslu Landsnets um greiningu á tjónnæmi vegna jarðvár.
Skýrslan var unnin af sérfræðingum frá EFLU og Landsneti en einnig voru fengnir í teymið sérfræðingar í áhættumati og hraunrennslisgreiningum frá Verkís. Þá var jafnframt leitað til Veðurstofu Íslands og Rannsóknarstofu Háskóla Íslands í eldfjallafræði og náttúruvá eftir umsögn.
Loftlínan standi betur af sér jarðskjálfta
Í tilkynningu frá Landsneti segir að góðar líkur séu á því að loftlínan muni geta staðið af sér hófleg hraunrennsli og sé muni standa betur af sér jarðskjálfta.
„Jarðskjálftar og jarðhreyfingar eru mun líklegri vá á línuleið á Suðurnesjum en hraunflæði á yfirborði vegna eldsumbrota. Ljóst er að loftlína mun standa mun betur af sér jarðskjálfta og aðrar jarðhreyfingar.
Góðar líkur eru á því að loftlínan muni geta staðið af sér hóflegt hraunrennsli verði gerðar ráðstafanir varðandi hraunflæðivarnir á völdum stöðum og staðsetning mastra valin með tilliti til staða sem margar gossprungur myndu leiða hraun að, sbr. rennslisleið að Vogavík og Vatnsleysuvík.“
Strandar á Vogum
Sveitarfélagið Vogar hefur ekki viljað veita Landsneti framkvæmdaleyfi fyrir loftlínu. Vogar vilja jarðstreng en hin sveitarfélögin á Suðurnesjum hafa þegar veitt Landsneti framkvæmdaleyfi fyrir loftlínu.
Í tilkynningu frá Landsneti kemur fram að hjá sveitarfélaginu Vogum liggi nú til afgreiðslu umsókn um framkvæmdaleyfi fyrir loftlínu.
Halla Hrund tekur forystu í könnun
Sennilega gróðureldur, ekki ný sprunga
Ók á ofsahraða á móti umferð og uppi á stétt
Rothissa á vinnubrögðum forystu BÍ
Fimm dauðir hvolpar fundust í poka
Gosopið gæti stækkað á ný: „Eitthvað í aðsigi“
Færri nota rafhlaupahjól eftir djammið
Bregðast við vopnahléstillögu á morgun