„Hún sat þarna allan tímann sem ég tók myndirnar og hreyfði sig ekki. Virtist vera að taka lúr því að hún var með lokuð augun og kíkti svo á mig annað slagið,“ segir Höskuldur B. Erlingsson, lögregluvarðstjóri á Blönduósi og áhugaljósmyndari, um myndina fallegu sem hann náði af branduglu um helgina.

Hafði uglan þá tyllt sér á snúrustaur í garði nágranna Höskuldar.

Höskuldur var ekki með myndavél á sér er hann sá ugluna fyrst en rölti aftur heim og sótti vélina. „Þegar ég kom til baka sat hún á sama stað og ég rölti í áttina að henni, smellti reglulega af henni myndum allt þar til að ég átti eftir eina 4-5 metra að henni. Þá fór ég ekki nær, enda uglan farin að fylla vel út í rammann.“

Ljósmynd/Höskuldur B. Erlingsson

Tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Bjarni Ben fékk lítinn nafna á Bessastöðum

» Fleiri tengdar fréttir