Gert er ráð fyrir að útgjöld ríkissjóðs vegna listamannalauna aukist um 41% á næstu fjórum árum samkvæmt nýju frumvarpi menningarmálaráherra, sem hyggst fjölga launasjóðum og úthlutunarmánuðum.
Drög að breytingum á lögum um listamannalaun, nr. 57/2009, hafa verið birt í samráðsgátt stjórnvalda. Þetta kemur fram í tilkynningu á vef menningar og viðskiptaráðuneytisins.
Fjöldi starfslauna hefur haldist óbreyttur í 15 ár eða frá því að gildandi lög tóku gildi árið 2009, segir í tilkynningunni.
Starfslaunamánuðum yrði fjölgað úr 1.600 í 2.850 á fjórum árum og myndi því tæplega tvöfaldast. Lagt er til að þremur nýjum sjóðum verði bætt við kerfið; Launasjóði kvikmyndahöfunda, Vexti, sem yrðir sjóður 35 ára og yngri, og Vegsemd, sem yrði sjóður listamanna 67 ára og eldri.
Kostnaður við listamannalaunin eru í dag 978 milljónir. Breytingarnar verða innleiddar í skrefum á árunum 2025-2028 og er ráðgert að viðbótarkostnaður verði í heildina 700 milljónir þegar fullri hækkun er náð. Þá er heildarkostnaðurinn 1.678 milljónir.
Breytingarnar verða innleiddar í skrefum á árunum 2025-2028 og er ráðgert að kostnaður aukist um eftirfarandi:
Í ár hlaut 241 listamaður listamannalaun en 1.600 mánaðarlaun voru til úthlutunar úr sex launasjóðum.