Ráðuneytið gerði samning við Varðberg
Setja bókamerki
Utanríkisráðuneytið hefur gert samstarfssamning við Varðberg, félag um vestræna samvinnu og alþjóðamál.
Samstarfið snýr að kynningu og fræðslu á sviði öryggis- og varnarmála, í tengslum við 75 ára afmæli stofnsáttmála Atlantshafsbandalagsins. Fram kemur í tilkynningu að utanríkisráðuneytið og Varðberg hafi átt í góðu samstarfi, bæði formlegu og óformlegu, allt frá stofnun félagsins.
„Samstarf utanríkisráðuneytisins við Varðberg hefur stuðlað að upplýstri umræðu og fræðslu um öryggis- og varnarmál í gegnum tíðina. Það er mikilvægt að efla upplýsta umræðu um gildi bandalagsins á þessum tímamótum og stuðla að skoðanaskiptum um öryggis- og varnarmál Íslands,“ sagði Bjarni Benediktsson við undirritun samningsins, að því er segir í tilkynningunni.
Samningurinn nær til afmarkaðra verkefna, þar með talið ráðstefnuhalds, kynninga og fræðslu.
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
Væri að ljúga ef ég segðist ekki stressaður
„Höfum ekki náð að skríða upp úr þeirri gryfju“
Norskur lögreglumaður dæmdur
Bergnuminn í Hvalfirði
Frambjóðendur skila inn listum í Hörpu