Ráðherrar ríkisstjórnarinnar eru mættir á Bessastaði. Ríkisráðsfundur hófst þar nú upp úr klukkan 19. 

Katrín Jakobsdóttir lætur þar formlega af embætti forsætisráðherra og Bjarni Benediktsson lætur af embætti utanríkisráðherra. 

Að loknum ríkisráðsfundi hefst nýr fundur þar sem Bjarni tekur við embætti forsætisráðherra. Þá bætist Bjarkey Olsen Gunnarsdóttir við sem matvælaráðherra en Svandís Svavarsdóttir verður innviðaráðherra.

Guðni Th. Jóhannesson mun ávarpa fjölmiðla á milli funda.

Þá tekur Sigurður Ingi Jóhannsson við fjármálaráðuneytinu, sem hefur verið í höndum sjálfstæðismanna síðastliðin ár.

Þórdís Kolbrún Reykfjörð Gylfadóttir færir sig úr fjármálaráðuneytinu yfir í utanríkisráðuneytið.