Sólþyrstir í Nauthólsvík

Á sólríkum sumardögum er engin lognmolla yfir Nauthólsvíkinni og síðan ylströndin þar var opnuð árið 2000 hafa vinsældir hennar farið sívaxandi. Áætlað er að 530.000 gestir njóti sólargeislanna þar ár hvert.

Feluleikur Þessi hnáta spratt upp undan stórum steini þegar ljósmyndarinn mundaði linsuna.

Mynd 1 af 8 – Ljósm.: Árni Sæberg

Buslað í Nauthólsvíkinni Margir kusu að leggja leið sína í Nauthólsvíkina í góða veðrinu sem gladdi höfuðborgarbúa í gær enda minnir fátt meira á erlenda sólarströnd en gylltur sandur.

Mynd 2 af 8 – Ljósm.: Árni Sæberg

Ungviðið brá á leik í pollinum við Nauthólsvík. Ekki leiðinlegt hjá þessum piltum.

Mynd 3 af 8 – Ljósm.: Golli

Hláturskast Það er lítið sem þarf til að gleðja á sólríkum dögum. Þessar stúlkur höfðu nýlokið við sundsprett og hlýjuðu sér í sandinum.

Mynd 4 af 8 – Ljósm.: Árni Sæberg

Lína Dóra er siglingakennari og kennir handtökin á siglinganámskeiðinu í Siglunesi.

Mynd 5 af 8 – Ljósm.: Árni Sæberg

Hluti þessarar kátu fjölskyldu kepptist við að byggja sem hæstan turn úr sandi í Nauthólsvíkinni á meðan móðirin grillaði pulsur ofan í svanga byggingarmeistarana.

Mynd 6 af 8 – Ljósm.: Árni Sæberg

Drengirnir tveir léku sér í strandfótbolta en róðurinn þyngdist þegar stúlkan tók sér stöðu milli stanganna og sýndi mikla hæfileika.

Mynd 7 af 8 – Ljósm.: Árni Sæberg

Þessi barnahópur úr Barnaskóla Hjallastefnunnar í Garðabæ gerði sér glaðan dag og grillaði pulsur í Nauthólsvík. Sáttar með daginn sögðust kennararnir hiklaust koma aftur með barnahópinn

Mynd 8 af 8 – Ljósm.: Árni Sæberg