Patrekur: Matti kom inn með kraft í síðari
„Fyrri hálfleikur var ekki góður og engan veginn eins og ég vildi sjá,“ sagði Patrekur Jóhannesson, þjálfari Hauka, eftir að liðið vann Akureyri, 24:23, í Schenker-höllinni á Ásvöllum í dag í annarri umferð Olís-deildar karla í handknattleik. Haukar voru þremur mörkum undir í hálfleik, 15:12, en sneru við blaðinu í síðari hálfleik. Patrekur var mun sáttari við síðari hálfleik.
