Páll Axel Vilbergsson var mættur í Röstina eða sinn gamla heimavöll og í raun vinnustaður hans í Grindavík til fjölda ára. Páll var ekki lengi að finna sína fjöl því hann hóf leik á því að smella einum þristi á sína gömlu félaga og þegar yfir lauk hafði kappinn sallað niður 19 stigum. Þau dugðu hinsvegar skammt gegn Grindavík og Páll var á því að margt þyrfti að lagast í leik sinna manna fyrir komandi átök.