„Þótt við séum komnir með tvo vinninga þá er þessi rimma langt frá því að vera búin. Við verðum að vera klárir í slaginn í næsta leik á þriðjudaginn,“ sagði Patrekur Jóhannesson, þjálfari Hauka, eftir að liðsmenn hans unnu Val öðru sinni í undanúrslitum Olís-deildar karla í handknattleik í dag. Haukar eru þar með komnir með tvo vinninga í rimmunni en Valsmenn eru enn án sigurs. Vinna þarf þrisvar til þess að komast í úrslitaleikina um Íslandsmeistaratitilinn.