„Það er komið mjög langt síðan við fengum að spila landsleik hérna heima, þannig það er mjög jákvætt að fá leiki núna og svo er þetta mjög gott í undirbúningi fyrir Evrópukeppni smáþjóða,“ sagði Helena Sverrisdóttir landsliðskona í körfubolta í viðtali við mbl.is í dag, en Helena verður í eldlínunni með íslenska kvennalandsliðinu í körfubolta gegn Danmörku í æfingaleikjum á miðvikudag og fimmtudag. Þetta verða fyrstu landsleikir íslenska kvennalandsliðsins í körfubolta á Íslandi síðan árið 2009.