Fyrsta símtalið af tindi Everest
Setja bókamerki
Bretinn Rod Baber varð í gærmorgun fyrstur manna til að hringja af tindi hæsta fjalls heims, Everest, og hóf þar farsímavæðinguna í nýjar hæðir. „Það er kalt, þetta er frábært, Himalæjafjöllin eru um allt,“ sagði Baber í símtalinu, en upptaka af því er á blogginu hans.
„Ég finn ekki fyrir tánum á mér, allir eru ánægðir - við náðum hingað á mettíma, þetta er stórkostlegt,“ sagði Baber af tindinum, í 8.848 m hæð.
Kínverska símfyrirtækið China Telecom reisti farsímamastur við rætur fjallsins að norðanverðu, og því er nú hægt að hringja af tindinum. Forseti Fjallgöngusambands Nepals, Ang Tsering Sherpa, segir farsímasamband á tindinn ákaflega góða viðbót, því fjallgöngumenn séu þar oft í mikilli hættu og geti símasamband auðveldað björgunaraðgerðir.
Væri að ljúga ef ég segðist ekki stressaður
Skaut sex sinnum að feðginum á aðfangadagskvöld
/frimg/1/48/74/1487454.jpg)
Heldur inn í nóttina tuttugu kílóum léttari
Frambjóðendur skila inn listum í Hörpu
Banna mengandi búnað sem leyfður er á Íslandi
Gígbarmurinn hækkað frá því í gær
Bergnuminn í Hvalfirði