FBI berst við uppvakninga

Bandaríska alríkislögreglan (FBI) hefur nú samband við yfir milljón manns sem eiga tölvur sem tölvuþrjótar hafa komist yfir, en slíkar tölvur eru kallaðar uppvakningar (e. zombies).

Þetta er liður í verkefni sem ætlað er að koma í veg fyrir að tölvuþrjótar geti nýtt sér slíkar tölvur til þess að fremja hátækniglæpi, en verkefnið hefur verið í gangi í þó nokkurn tíma.

FBI hefur fundið net tölva sem tölvuþrjótar hafa komist yfir. Tölvuþrjótarnir hafa notað tölvurnar til þess að dreifa ruslpósti, stela auðkennum fólks og gera árásir á vefsíður.

FBI segir að uppvakningarnir „ógni þjóðaröryggi landsins“, segir á fréttavef BBC.

• 1 blogg um fréttina

Bloggað um fréttina

• Púkinn: Er tölvan þín uppvakningur?