Windows 7 kostar um 20.000

Einstaklingsútgáfan af Windows 7, nýjustu útgáfunni af Windows stýrikerfi Microsoft, mun kosta í kringum 19-20.000 krónur út úr búð hér á landi. Hefst salan á stýrikerfinu á morgun.

Talsmaður Microsoft á Íslandi segir að söluverðið hér jafnist á við það sem gerist og gengur í Evrópu, þrátt fyrir lágt gengi krónunnar. Ástæðan sé hið svokallaða Microsoft gengi á krónunni, en samkvæmt því fara viðskipti við Microsoft fram á genginu 130 krónur á evruna, en ekki rúmum 180 krónum, sem er gengi Seðlabanka Íslands. Væri farið eftir síðarnefnda genginu væri söluverð einstaklingsútgáfunnar líklega um 28.000 krónur.

Halldór Jörgensson, framkvæmdastjóri Microsoft Íslandi, segir að vegna eftirspurnar eftir nýja stýrikerfinu hafi ekki tekist að afgreiða allar pantanir verslana í Evrópu í tæka tíð fyrir útgáfudag. Þetta þýði m.a. að verslanir á Íslandi munu hafa mjög takmarkað magn af Windows 7 pökkum til sölu á útgáfudaginn. Fleiri sendingar sé á leiðinni til landsins og eru þær væntanlegar í verslanir í næstu viku.

• 4 blogg um fréttina

Bloggað um fréttina

• Guðmundur Ragnar Björnsson: Microsoft í arðráni?
• Ari Þór: Windows 7 Dýrast á íslandi
• Gunnar Th. Gunnarsson: OK or cancel to continue
• Rúnar Haukur Ingimarsson: Ubunto er ókeypis sem og OpenOffice