Alþjóðlegur stjörnulíffræðiskóli hér

mbl.is/Júlíus

Alþjóðlegur sumarskóli í stjörnulíffræði hefst í kvöld hér á landi á vegum NordForsk, Hawaiiháskóla, NASA Astrobiology Institute og Háskóla Íslands.

Skólinn ber heitið Vatn, ís og uppruni lífs í alheimi. Við hann kenna margir af fremstu vísindamönnum heims á þessu sviði, bæði íslenskir og erlendir.

Á fimmta tug framhaldsnema og ungra vísindamanna frá Evrópu og Norður- og Suður-Ameríku taka þátt í skólanum.

Í kvöldverður boðið upp á fræðsluerindi fyrir almenning af þessu tilefni á Grand Hóteli í Reykjavík. Erindið fjallar um halastjörnur og hefst klukkan 20:30.

Sumarskólinn er skipulagður af Norræna stjörnulíffræðinetinu (Nordic Network of Astrobiology) og samstarfshópi Karenar Meech, stjörnufræðings við Hawaiiháskóla [1]. Skólinn er starfræktur á tveggja ára fresti eða svo á Íslandi (seinast árið 2009) og þess á milli á Hawaii.

Í skólanum fræðast nemendur um myndun vatns í geimnum og hlutverk þess í myndun sólkerfa og lífi á jörðinni. Fjallað verður verður um hvernig vatn barst til jarðar með halastjörnum og loftsteinum og hvernig líf náði að myndast við þær framandi aðstæður sem ríktu á jörðinni í árdaga. Hita- og kuldakærar jaðarörverur og eldvirkni á Íslandi og víðar koma einnig við sögu. Nemendur læra um alla þessa þætti með aðstoð íslenskra og erlendra vísindamanna og vettvangsferðum um íslenska jökla, eldfjöll og háhitasvæði.

Í hópi kennara við skólann eru Haraldur Sigurðsson eldfjallafræðingur, Magnús Tumi Guðmundsson jarðeðlisfræðingur og Þorsteinn Þorsteinsson jöklafræðingur; James Head, reikistjörnufræðingur við Brownháskóla í Bandaríkjunum (vann m.a. við Apollo leiðangrana á sínum tíma), Karen Meech, sérfræðingur í halastjörnum við Hawaiiháskóla og David Des Marais, jarðefnafræðingur hjá NASA, segir á Stjörnufræðivefnum.

mbl.is

Bloggað um fréttina

Húsgögn o.fl.
Húsgögn, silfur borðbúnaður, , styttur, postulín B&G borð-búnaður, jóla- og mæðr...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
Góður GMC Envoy SLT til sölu
Góður bíll til sölu.árgerð 2002 Sjálfskiptur, bensín, 6 cyl lína, 270 hestöfl, ...
 
Félagsstarf
Staður og stund
Aflagrandi 40 Opin vinnustofa kl. 9 og j...
Framhald uppboðs
Nauðungarsala
Uppboð Einnig birt á www.naudungarsolu...
Land til sölu
Til leigu
Land til sölu Til sölu eða leigu 4,6 h...
Matsveinn
Sjávarútvegur
Matsveinn Vísir hf óskar eftir...