Lífræn matvæli ekki næringarríkari

Ekkert bendir til þess að lífrænt ræktuð matvæli séu næringarríkari en hefðbundin matvæli samkvæmt rannsókn vísindamanna við Stanford-háskóla í Bandaríkjunum, en í rannsókn sinni fóru þeir yfir 237 mismunandi úttektir sem ná yfir síðustu fjóra áratugi.

Hins vegar kom í ljós að meira var af leifum af skordýraeitri á hefðbundinni grænmetis- og ávaxtaframleiðslu en á lífrænt ræktaðri en engu að síður voru þær innan þeirra marka sem leyfð eru af heilbrigðisyfirvöldum. 30% minna væri af slíkum leifum á lífrænt ræktuðu grænmeti og ávöxtum.

„Þegar við byrjuðum að vinna að þessu verkefni töldum við líklegt að við myndum finna einhver rök sem styddu yfirburði lífrænt ræktaðra matvæla gagnvart hefðbundnum mat,“ er haft eftir dr. Dena Bravata hjá Stanford-háskóla í frétt AFP. „Við urðum svo sannarlega hissa að það reyndist ekki vera raunin.“

Fram kemur í fréttinni að á síðasta ári hafi vísindamenn við Newcastle-háskóla í Bretlandi farið yfir sömu 237 rannsóknir og komist að þeirri niðurstöðu að hefðbundin matvæli væru næringarríkari en lífrænt ræktuð og innihéldu til að mynda meira af c-vítamíni. Rannsóknin hlaut hins vegar litla athygli.

Þá segir að 22. október síðastliðinn hafi samtök bandarískra barnalækna lýst því yfir að engar vísindalegar rannsóknir hefðu sýnt fram á að lífrænt ræktuð matvæli væru heilsusamlegri en hefðbundin og lögðu þau til í skýrslu að börn borðuðu fjölbreytt úrval ávaxta og grænmetis hvort sem þau væru lífrænt ræktuð eða ekki.

„Til lengri tíma litið er eins og sakir standa engar beinar sannanir fyrir því að neysla lífrænna matvæla leiði til betri heilsu og minni áhættu af sjúkdómum,“ segir meðal annars í skýrslunni. Ennfremur segir að margir foreldrar hafi til þessa tekið lífrænt ræktaðan mat fram yfir hefðbundinn þrátt fyrir að hann væri mun dýrari.

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
BÍLKERRUR _ BÍLKERRUR _ BÍLKERRUR
Sterku þýsku ANSSEMS & HULCO kerrurnar, sjá möppu 83 á Facebook > Mex byggingavö...
Hornstrandabækurnar fyrir fróðleiksfúsa!
Hornstrandabækurnar Allar 5 í pakka 7,500 kr. Upplögð afmælis og tækifærisgjöf....
 
Uppboð á ökutökjum
Uppboð
Sýslumaðurinn á Norðurlandi eystra Haf...
Aðalskipulag
Tilkynningar
Lýsing breytingar Aðalski...
Skipulag
Tilkynningar
Borgarbyggð Skipulagsauglýsingar De...
Niðurstaða sveitarstjórnar
Tilkynningar
Samþykkt breyting á deiliskipulagi S...