Eftir langa meðgöngu hefur Evrópusambandið loks bannað með öllu sölu á snyrtivörum sem hafa verið framleiddar eftir prófanir á virkni þeirra á dýrum.
Undanfarin ár hefur ESB smátt og smátt lagt bann við sölu á vörum sem hafa verið prófaðar á dýrum en nú hefur sala á öllum slíkum vörum verið bönnuð í aðildarríkjum ESB án undantekninga. Skiptir þar engu hvaðan varan kemur.