Þúsund vinsælustu vefsíður heims eru nú öruggar gegn hjartablæðingar öryggisgallanum sem komst í fréttirnar fyrr í þessum mánuði. Öryggisfyrirtækið Sucuri skoðaði vinsælustu síður netsins miðað við mælingar Alexa upplýsingafyrirtækisins og voru þær allar búnar að uppfæra búnað sinn. Aftur á móti voru enn 2% af vinsælustu milljón síðunum enn með ótrygg kerfi.
Gallinn er í OpenSSL öryggisstaðlinum fyrir vefþjóna, en hann getur valdið því að tölvuþrjótar geta njósnað um notendur milljóna vefþjóna um allan heim. Það voru rannsakendur hjá Google og öryggisfyrirtækinu Codenomicon sem uppgötvuðu gallann. Talið er að rúmur helmingur allra vefþjóna í heiminum notist við þennan öryggisstaðal