Á dögunum náðust myndir af því þegar tígrisháfur réðist á annan háf í sædýrasafni í Suður-Kóreu og gleypti hann smám saman í sig. Um var að ræða „yfirráðadeilu“ en óumdeildur sigurvegari var hinn 8 ára, 2,2 metra langi kvenháfur sem lét sig ekki muna um að innbyrða 5 ára frænda sinn af ætt gráháfa.
Þrátt fyrir að einstaka sinnum komi til átaka milli hákarla mun þetta vera í fyrsta sinn sem einn gleypir annan í sædýrasafninu í Seúl. Máltíð tígrisháfsins stóð yfir í meira en 20 klukkustundir, en sólahring eftir að hann hafði gleypt höfuð félaga síns sást enn í sporð síðarnefnda í kjafti árásarháfsins.
Sérfræðingar telja að kvenháfurinn muni að lokum skila frænda sínum sömu leið, þar sem hún er ófær um að melta hann.