NASA gefur út meinta geimtónlist

Nokkrum efasemdum hefur verið lýst um ágæti kenninga um tónlist ...
Nokkrum efasemdum hefur verið lýst um ágæti kenninga um tónlist handan við tunglið. AFP

NASA aflétti fyrir nokkrum árum leynd af upptökum frá Apollo 10 leiðangrinum þar sem má heyra „tónlist ytri geimsins“ og viðbrögð geimfara við því að heyra hana á för sinni um myrku hlið tunglsins. Líkum hefur verið leitt að því að NASA hafi leynt þessu fyrirbæri fyrir almenningi.

Gögnin og hljóðupptökurnar hafa verið aðgengilegar almenningi frá árinu 1973 en þær voru þó ekki settar á netið fyrr en 2012.

Í stiklu fyrir þáttinn NASA's Unexplained Files er mikið gert úr þessari uppgötvun í skjalasöfnum geimferðastofnunarinnar og rætt við fyrrverandi geimfara sem telur að „þarna sé eitthvað til staðar.“

Hljóðið sem um ræðir heyrðist í talstöðvum Apollo 10 eins og fyrr segir á för þeirra handan við tunglið. Á upptökunni má heyra vangaveltur þeirra um það sem þeir heyra og kalla „geimtónlist“ sín á milli.

Hefðbundin skýring er þó til á fyrirbærinu, sem almennt hefur ríkt sátt um. Hún þó talin vera truflun sem orsakaðist af nálægð talstöðvar Apollo geimfarsins og talstöðvar tunglfarsins sem var áfast Apollo 10.

Michael Collins, flugmaður Apollo 11 leiðangursins, heyrði samskonar hljóð í þeim leiðangri og sammæltist geimförum Apollo 10 um að þau væru nokkuð dularfull. Þegar geimfar Apollo 11 fjarlægðist hins vegar tunglfarið, sem lenti ólíkt tunglfari Apollo 10 á tunglinu, hætti hljóðið rétt eins og tæknimenn NASA höfðu varað Collins við.

Frétt CNN

Edgar D. Mitchell, geimfari Apollo 14 leiðangursins, stendur á tunglinu.
Edgar D. Mitchell, geimfari Apollo 14 leiðangursins, stendur á tunglinu. AFP
mbl.is
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og b...
Samkoma
Félagsstarf
Samkoma kl. 20 í Kristniboðs- salnum. R...
Aðalfundur
Fundir - mannfagnaðir
Aðalfundur Aðalfundur Vör...