Fundu elstu steingervinga í heimi

Uppgötvunin er besta vísbending sem hingað til hefur fundist um ...
Uppgötvunin er besta vísbending sem hingað til hefur fundist um að lífverur gætu hafa þrifist á mars. Mynd/NASA

Nýir steingervingar hafa fundist í Kanada en um er að ræða elstu steingervinga sem fundist hafa á jörðinni. Steingervingarnir sýna að lífverur þrifust á jörðinni fyrir 4,2 milljörðum ára en það er mörg hundruð milljónum ára fyrr en áður var talið.

Lífverurnar munu hafa lifað í um 60°C heitum gígum í þeim sjó sem umlukti plánetuna á þessum tíma. Uppgötvunin bendir til þess að álíka lífverur gætu mögulega hafa þróast á Mars en á þeim tíma var enn þá haf og andrúmsloft á plánetunni.

Vísindamennirnir sem fundu steingervingana telja að besti möguleikinn á að finna líf í geimnum sé að leita að álíka steingervingum á Mars. 

„Mars og jörðin voru mjög svipaðir staðir, svo við gætum átt von á að finna líf á báðum plánetum á þessum tíma,“ segir Matthew Doss, sem stýrði rannsókninni.

„Við vitum að líf náði fótfestu og þróaðist hratt á jörðinni svo ef það var líf í jarðhitagígum fyrir 4,2 milljörðum ára, þegar fljótandi vatn var á yfirborði beggja pláneta, megum við búast við því að eitthvað líf gæti þróast á báðum stöðum.“

„Ef við tökum sýni frá mars í framtíðinni og skoðum svipað berg en finnum ekki líf þá bendir það sannarlega til þess að jörðin hafi verið sérstök undantekning og að líf hafi bara orðið til á jörðinni.“

Rannsóknin var meðal annars kostuð af Geimferðastofnun bandaríkjanna (NASA) en elstu steingervingarnir sem fundist höfðu á undan þessum voru um 3,4 milljarða ára gamlir.

Frétt The Telegraph

mbl.is

Bloggað um fréttina

útskorið og flott sófaborð
er með fallegt sófaborð útskorið með svartri glerplötu á 35,000 kr sími 869-2798...
Borðstofustólar til sölu
10 stk. af notuðum borðstofustólum til sölu á kr. 1.500 kr stk. seljast helst a...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Opin vinnustofa kl. 9 og g...
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Félagsstarf
Staður og stund
Aflagrandi 40 Opin vinnustofa kl. 9, for...