Snjallsímabörn sofa minna

Snjalltækjasprengja hefur orðið síðustu ár en fáar rannsóknir hafa verið ...
Snjalltækjasprengja hefur orðið síðustu ár en fáar rannsóknir hafa verið gerðar á áhrifum slíkra tækja á þroska og líðan barna. AFP

Ung börn sem leika sér í snjalltækjum virðast fá minni svefn en börn sem gera það ekki. Þetta er niðurstaða rannsóknar sem birt er í vísindatímaritinu Scientific Reports. Samkvæmt henni fá börnin fimmtán mínútna styttri svefn fyrir hvern klukkutíma sem þau nota snjalltæki, hvort sem það eru símar eða tölvur.

Hins vegar komust vísindamennirnir að því að börn sem leika sér í snjalltækjum þorski fínhreyfingar hraðar en önnur börn. 

Í frétt BBC um málið er haft eftir þeim sem að rannsókninni stóðu að foreldrar ættu að vera á varðbergi en „ekki missa svefn“ yfir niðurstöðunum.

Í fréttinni segir að sprenging hafi orðið í snjallsímanotkun síðustu misseri. Því eru slík tæki mun aðgengilegri börnum í dag en fyrir aðeins nokkrum árum síðan. Enn eru því rannsóknir á áhrifum tækjanna á þroska og líðan barna mjög takmarkaðar.

Rannsóknin var gerð við breskan háskóla og voru spurningalistar lagðir fyrir 715 foreldra barna undir þriggja ára aldri.

Foreldrarnir voru spurðir hvernig og hversu mikið börnin notuðu snjalltæki og einnig hvernig þau svæfu og hversu lengi.

Niðurstaðan var sú að 75% barna undir þriggja ára aldri nota snjalltæki daglega og að um 51% barna á aldrinum 6-11 mánaða nota þau. 92% barna á aldrinum 25-36 mánaða nota snjalltæki á hverjum degi.

Börn sem nota snjalltæki sofa minna á nóttunni en lengur að degi til. 

mbl.is

Bloggað um fréttina

PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Trúlofunar- og giftingarhringar í úrvali
Auk gullhringa eigum við m.a. titanium og silfurpör á fínu verði. Sérsmíði, vönd...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
 
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Samkoma
Félagsstarf
Söngsamkoma kl. 20 í Kristni- boðssalnu...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Land til sölu
Til leigu
Land til sölu Til sölu eða leigu 4,6 h...