Stendur N-Kórea fyrir netárásinni?

Enski textinn í WannaCry-tölvuveirunni hljómar líkt og tölva hafi þýtt ...
Enski textinn í WannaCry-tölvuveirunni hljómar líkt og tölva hafi þýtt hann, en sá kínverski er á mun eðlilegra máli að mati netöryggissérfræðings. AFP

Netöryggissérfræðingar telja líkur á að netglæpasamtökin Lazarus Group kunni að standa á bak við netárásina sem hófst á föstudag. Ein kenningin gengur út frá því að yfirvöld í Norður-Kóreu tengist árásinni. Tölvu­veir­an hefur hrundið af stað bylgju gagnagíslatöku  (e. ran­someware) sem nú gengur yfir heiminn.

Almennt er talið að Lazarus Group sé með starfsemi sína í Kína, en að hópurinn vinni fyrir stjórnvöld í Norður-Kóreu.

BBC greinir frá því að það hafi verið Neel Mehta, netöryggissérfræðingur Google, sem fyrst hafi greint sambærilega eiginleika í kóðun WannaCry-tölvuveirunnar og annarra veira sem Lazarus Group hefur búið til. Líkindi séu m.a. með veirunni og þeim sem notaðar voru þegar samtökin réðust inn í  tölvur Sony-kvikmyndaframleiðandans 2014 og eins er þau herjuðu á bankareikninga í Bangladesh í fyrra. Einnig hefur verið bent á að hópurinn sé þekktur fyrir að nota Bitcoin í aðgerðum sínum.

Netöryggissérfræðingurinn Alan Woodward sagði í samtali við BBC að tímakóði WannaCry-veirunnar sé kínverskur og að enski textinn hljómi líkt og hann hafi verið þýddur af tölvu, á meðan að kínverski hluti textans hljómi líkt og hann hafi verið ritaður af einhverjum sem hefur kínversku að móðurmáli.

„Þetta eru veikar sannanir og allt á líkindum byggt,“ sagði Woodward. Full ástæða sé hins vegar til að kanna málið frekar.

WannaCry-tölvuveiran var búin til út frá veiru sem til var hjá Þjóðaröryggisstofnun Bandaríkjanna, NSA, og hafa sérfræðingar gagnrýnt bandarísk stjórnvöld fyrir að safna upp netvopnabirgðum á netþjónum sínum. Slíkt auki hættuna á að þessi vopn komist í rangar hendur, líkt og gerst hafi nú.

Sönnunarbyrði getur verið erfið þegar kemur að netárásum. Yfirvöld í Norður-Kóreu hafa t.a.m. aldrei játað aðild að netárásinni á Sony, en netöryggissérfræðingar og bandarísk stjórnvöld eru þess fullviss að tengsl séu þar á milli.

Þá hafa netöryggissérfræðingar í Suður-Kóreu varað við því að búast megi við frekari árásum tengdum veirunni.

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Inntökupróf
Læknanám Jessenius faculty of Medicine Martin, Slóvakíu Inntökupróf í læknisfræð...
Tilboð! - Garðhús 9 fm - kr. 279.300,-
Flaggskip okkar í garðhúsum, Brekka 34 - 9 fm - gert úr 34mm þykkum bjálka og tv...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
 
Orik-2017-11b
Tilboð - útboð
????? Orkuveita Reykjavíkur sef. óska...
Félagsstarf
Staður og stund
Aflagrandi 40 Opin vinnustofa kl. 9, mor...
Félagsstarf
Staður og stund
Aflagrandi 40 Opin vinnustofa kl. 9, gön...
Mat á umhverfisáhrifum
Tilkynningar
Mat á umhverfisáhrifum Athu...