Yfir helmingur með áskrift að Netflix

Fólk horfir á Netflix.
Fólk horfir á Netflix.

Yfir helmingur Íslendinga hefur áskrift að efnisveitunni Netflix á heimili sínu. Þetta kemur fram í könnun MMR sem framkvæmd var dagana 11. til 16. maí.

Alls sögðust 58,8% þeirra sem tóku þátt í könnuninni að einhver á heimilinu væri áskrifandi. 

Þetta er aukning um 25,6 prósentustig frá því að könnunin var síðast framkvæmd í janúar 2016 en þá sögðu 33,2% að þau eða einhver á heimilinu væri með áskrift að Netflix.

Núna sögðu 2,7% að áskrift að Netflix yrði keypt á næstu sex mánuðum, samanborið við 7,5% í síðustu könnun.

Aðeins hærra hlutfall kvenna (60%) en karla (58%) sögðu að á heimilinu væri einhver með áskrift að Netflix.

Með auknum aldri lækkaði hlutfall þeirra sem sögðu einhvern á heimilinu hafa áskrift af Netflix. Af þátttakendum 68 ára og eldri sögðu 26% að áskrift af Netflix væri á heimilinu samanborið við 77% þátttakenda á aldrinum 18 til 29 ára.

Af þeim sem voru í elsta aldurshópnum sögðu 5% að áskrift að Netflix yrði keypt á næstu sex mánuðum.

80% námsmanna sögðu að áskrift af Netflix væri á heimilinu, 68% stjórnenda og æðstu embættismanna og 66% sérfræðinga.

mbl.is
Fellihýsi Coleman Westlake
Fellihýsi að stæðstu gerð til sölu. Sturta, klósett, heitt og kalt vatn, loftkæl...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Bækur um ættfræði byggðasögu og ýmsan fróðleik til sölu
hef til sölu nokkur grundavallarrit ættfræðinnar ásamt ritum um atvinnu og byggð...
 
Félagsstarf
Staður og stund
Árskógar 4 Smíðar og útskurður með leiðb...
Framhald uppboðs
Nauðungarsala
Uppboð Einnig birt á www.naudungarsolu...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Hádegismatur, mexíkanskur hakkr...