OR og HÍ fengu 1,5 milljarðs króna styrk

Nýsköpunarverkefnin, sem hófust árið 2007, hafa þegar leitt til verulegs ...
Nýsköpunarverkefnin, sem hófust árið 2007, hafa þegar leitt til verulegs samdráttar í losun jarðhitalofts frá Hellisheiðarvirkjun. mbl.is/Golli

Orkuveita Reykjavíkur í samstarfi við Háskóla Íslands og erlendar vísindastofnanir hafa fengið tvo styrki samtals að fjárhæð 12,2 milljóna evra, eða rúmlega eins og hálfs milljarðs króna, frá Evrópusambandinu til þróa áfram bindingu koltvíoxíðs sem grjót. Þetta kemur fram í tilkynningu.

„Nýsköpunarverkefnin, sem hófust árið 2007, hafa þegar leitt til verulegs samdráttar í losun jarðhitalofts frá Hellisheiðarvirkjun. Níu doktorsnemar hafa varið ritgerðir sínar um kolefnisbindingu í bergi og starfa við rannsóknir hér heima og erlendis. Framundan er meðal annars að þróa bindingu koltvíoxíðs á sjávarbotni.“ Þetta kemur jafnframt fram í tilkynningu. 

Dr. Edda Sif Pind Aradóttir leiðir rannsóknina gas í grjót. 

Frá árinu 2007 hafa vísindamenn í samstarfi við iðnaðar- og tæknifólk Orkuveitu Reykjavíkur og dótturfyrirtækjanna Orku náttúrunnar  og Veitna unnið að þróun og prófun þeirrar hugmyndar að hægt sé að taka koltvíoxíð sem kemur upp með jarðhitavökvanum við nýtingu hans, blanda það vatni og dæla því aftur niður í jörðina þaðan sem það kom. Þar bindist það varanlega á formi steinda. Þetta heppnaðist. Sama aðferð er nú nýtt til að hreinsa brennisteinsvetni úr útblæstrinum og er nú um 60% þess sem upp kemur bundið sem steindir í basaltberglögum djúpt í jörðu í grennd virkjunarinnar. CarbFix er heitið á upphaflega þróunarverkefninu með koltvíoxíð. SulFix er heitið sem brennisteinsverkefnið fékk og einu nafni ganga þau undir heitinu Gas í grjót.  

Vegna þess að þær aðferðir sem þróaðar hafa verið til að binda jarðhitaloftið í basaltlögunum eru vatnsfrekar og að mikil basaltberglög er að finna á hafsbotni beina vísindamenn í verkefninu nú sjónum að bindingu koltvíoxíðs í sjávarbotni. Þetta kemur einnig fram í tilkynningu. 

Verkefnið við koltvíoxíðið, sem nefnt er CarbFix, hefur vakið heimsathygli síðustu misseri en grein um það birtist í Science, virtasta vísindatímariti heims, um mitt síðasta ár. 

mbl.is
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Lok á heita potta - 1
Lok á heita potta og hitaveitu- skeljar Stærðir í cm: 200x200, 210x210, 220x220,...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
 
L edda 6017112119 i h&v
Félagsstarf
? EDDA 6017112119 I H&V; Mynd af augl...
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...
L helgafell 6017112219 iv/v
Félagsstarf
? HELGAFELL 6017112219 HogV IV/V M...