Fjör í Frostaskjóli

Miklir rokktónleikar voru haldnir í kvöld í félagsmiðstöðinni Frostaskjóli í Vesturbæ Reykjavíkur. Allar hljómsveitirnar sem komu fram voru skipaðar ungu fólki á aldrinum 12-18 ára og flestar eru þær upprunnar úr Vesturbænum. Hljómsveitirnar sem stigu á svið í kvöld voru BOB, Coral, Doctuz, Ginnungagap, Han Solo, Lack of Trust, Natar, Spünk og Waste. Þetta er í annað sinn sem tónleikarnir Frostrokk eru haldnir en í ár voru þeir jafnframt haldnir til styrktar Guðrúnu Örnu Gylfadóttur, fyrrverandi forstöðukonu Frostaskjóls, sem missti allt sitt í Laugavegsbrunanum á dögunum. Á myndinni sést hljómsveitin BOB á útopnu í kvöld.

• Blogga um frétt