Hómer og Marge Simpson vinsælasta parið

Teiknimyndahjónin Hómer og Marge Simpson eru vinsælasta skáldaða par sem um getur. Í öðru sæti eru Rómeó og Júlía í leikriti Shakespeares og í þriðja sæti Mikki og Minna mýs. Þetta er niðurstaða könnunar, sem sjónvarpsþáttur á vegum Disney fyrirtækisins lét gera nýlega.

Um 4500 börn og fullorðnir tóku þátt í könnuninni. Gary Kane, einn af framkvæmdastjórum Disney On IceSM sagði að það hefði komið aðstandendum könnunarinnar verulega á óvart að Simpsonhjónin báru sigurorð af Rómeó og Júlíu.

Efstu pörin í könnuninni voru þessi:

1. Hómer og Marge Simpson,
2. Rómeó og Júlía
3. Mikki mús og Minna mús
4. Heathcliff og Cathy í Fýkur yfir hæðir
5. Monica og Chandler í Vinum
6. Sandra D og Danny Zuko í söngleiknum Grease
7. Scarlett O'Hara og Rhett Butler í Á hverfanda hveli
8. Herra og frú Kartöfluhöfuð
9. Pétur Pan og Vanda
10. Carrie Bradshaw og Mr Big í Beðmálum í borginni.

• Blogga um frétt