Bandaríski kvikmyndaleikstjórinn Oliver Stone er að undirbúa gerð kvikmyndar um hryðjuverkaárásina á Bandaríkin 11. september 2001. Variety skýrir frá þessu í dag og segir að Nicholas Cage leiki aðalhlutverkið. Um er að ræða fyrstu bandarísku stórmyndina sem fjallar um þessa atburði.
Myndin mun fjalla um tvo lögreglumenn hjá hafnarlögreglunni í New York sem grafast undir rústum turna World Trade Center.