Billy Joel reyndi að fremja sjálfsmorð með húsgagnabóni

Tónlistarmaðurinn Billy Joel reyndi að fremja sjálfsmorð með því að drekka húsgagnabón. Var tónlistarmaðurinn víst svo kvalinn vegna framhjáhalds sem hann átti með konu trommara síns. Þetta kemur fram í nýútkominni sjálfsævisögu Joel sem ber heitið Billy Joel: The Life And Times Of A Young Man.

Í bókinni greinir Joel frá því að framhjáhald hans með Elizabeth Small hafi verið haldið leyndu og það hafi kvalið hann mikið, svo mikið reyndar að hann var tilbúinn að taka sitt eigið líf. Það var svo söngvaranum til happs að maðurinn sem hann var að fara á bak við, trommarinn Jon Small, bjargaði Joel og kom honum á spítala. Í framhaldinu var Joel færður á geðdeild. Joel giftist seinna Elizabeth Small og var hún kveikjan að smellinum She´s Always a Woman frá 1978.

• Blogga um frétt