Britney Spears er hætt að iðka Kabbalah trúna

Poppprinsessan Britney Spears hefur gefist upp á Kabbalah trúariðkun sinni, en hún heldur því fram að hún hafi fundið nýja trú í fjölskyldu sinni. Spears kynntist trúnni í gegnum Madonnu árið 2003, en trúarbrögðin hafa oft verið kölluð „dulspekitrú gyðinga“.

Spears, sem hefur ekki skrifað skilaboð á heimasíðu sína í rúmt ár, skrifaði stutt skilaboð fyrir helgi, en þar segir að hún iðki ekki lengur Kabbalah trú heldur sé barnið nú hennar trúarbrögð.

Skilaboðin birtust á svæði á heimasíðunni sem kallast „Love B“, en það svæði er tileinkað hugsunarflæði söngkonunnar.

Ekki liggur fyrir hvort hún hafi verið að vísa til átta mánaða gamals sonar síns, Sean Preston, barnið sem hún gengur með undir belti eða hvort hún hafi verið að vísa til eiginmanns síns, Kevin Federline.

Fyrir um hálfum mánuði síðan sást hinsvegar til Spears þar sem hún hélt á Kabbalah bók á meðan hún snæddi á mexíkóska veitingastaðnum Taco Bell.

• Blogga um frétt