Leið fundin til varnar því að smurð hlið brauðsneiðar lendi á gólfinu

Vísindamenn sem vinna við þáttinn Mythbusters á Discovery Channel hafa nú fundið lausn á því hvimleiða vandamáli að smurð hlið brauðsneiðar lendi á gólfinu þegar maður missir hana frá sér. Hún felst í því að smyrja brauðsneiðina með réttum hætti, en hann er sá að smyrja þéttingsfast og hratt því þá myndast lægð í sneiðinni sem ver hana gegn rangri lendingu.

Gerðar voru smurbrauðstilraunir og fyrrnefnd aðferð reyndist vel, í 29 skiptum af 50 lenti brauðsneiðin á ósmurðu hliðinni. Stjórnendur Mythbusters, þeir Adam Savage og Jamie Hyneman, líkja þessu við laufblað sem fellur af grein. Fréttavefurinn Ananova segir frá þessu.

• 2 blogg um fréttina

Bloggað um fréttina

• Ingimundur Sveinn Pétursson: Svo smurða hliðin á brauðinu lenndi aldrei aftur á gólfinu....
• Hafliði Hinriksson: Það er bannað að stríða gegn öflum náttúrunnar!