Leikaraparið Tom Cruise og Katie Holmes eru nú í Róm á Ítalíu með dóttur sína Suri, en fjölskyldan brá sér í gær í skoðunarferð í ráðhús borgarinnar. Ljósmyndarar fylgdust grannt með þeirri ferð eins og við var að búast. Cruise og Holmes ætla að gifta sig í miðaldakastalanum Odescalchi á laugardaginn, en hann er skammt frá Róm.
Þar er undirbúningur hafinn fyrir brúðkaupið og veisluna, en ljóst er að fréttamönnum eða ljósmyndurum verður ekki boðið til brúðkaupsins.