Mynd af Parísi undir stýri

Tekin var mynd af Parísi Hilton undir stýri á bíl fáeinum dögum eftir að hún hlaut 45 daga fangelsisdóm fyrir að hafa rofið skilorð með því að aka réttindalaus. Herma fregnir að til hennar hafi sést á bláa Bentley-blæjubílnum sínum í Los Angeles í fyrradag.

Papparassar eltu París þar sem hún villtist í Century City og lenti í blindgötu, þrátt fyrir að hún væri með skrifaðar leiðbeiningar. Mun hún hafa tekið u-beygjur þrisvar áður en henni loksins tókst að komast á áfangastað.

Þá herma fregnir ennfremur að hún hafi skipt um lögfræðing til að reyna að komast hjá því að þurfa að fara í fangelsið. Hefur hún nú ráðið lögmanninn Richard Hutton, sem er sérfræðingur í ölvunarakstursdómum. París kom snöktandi út af skrifstofu Huttons í gær, og reyndi móðir hennar, Kathy, að hugga hana.

• 2 blogg um fréttina

Bloggað um fréttina

• Brosveitan - Pétur Reynisson: Hér er mynd af dekurrófunni sem býr inni í Hilton
• Hrannar Björn Arnarsson: Bubbi bjargar París !