Bandaríski leikarinn Kevin Bacon ætlar að draga fram dansskóna og rifja upp gömlu góðu Footloose-taktana ásamt útskriftarnemendum Payson High School í Utah. Skólinn á stóran stað í hjarta Bacon, en kvikmyndin Footloose var að miklu leyti tekin upp innan veggja skólans. 

Leikarinn, sem hefur átt farsælan kvikmyndaferil, gladdi útskriftarnemendur Payson High School á dögunum þegar hann sagðist mæta á lokaball nemenda sem haldið verður í annarlok. 

„Nú verður dansað“

Nemendur skólans hófu á dögunum samfélagsmiðlaherferð, sem er titluð BacontoPayson, til að ná athygli leikarans. Ástæðan er sú að skólinn er að flytja í nýtt húsnæði og er þetta því síðasta tækifæri leikarans til að dansa í sama sal og Ren, karakter Bacon í Footloose, gerði árið 1984. Kvikmyndin fagnar einnig 40 ára útgáfuafmæli sínu í ár. 

Bacon tilkynnti nemendum skólans gleðitíðindin fyrir helgi og sagðist glaður mæta á lokaballið. Nemendur skólans hoppuðu hæð sína af gleði þegar leikarinn játaði boðinu, en allir nemendur skólans voru samankomnir í hátíðarsal skólans þegar Bacon birtist á stórum skjá og sagðist mæta. 

„Takk öllsömul! Nú verður dansað,“ sagði Bacon. 

Tengdar fréttir

Poppkúltúr

Skilnaðurinn eyðilagði metið

• Pierce Brosnan nær óþekkjanlegur
• Ber sama nafn og vinsælasta poppstjarna í heimi
• Laufey fagnar 25 ára afmæli
• Kryddpían Mel B átti í fimm ára sambandi við konu

» Fleiri tengdar fréttir

• Blogga um frétt