Laufey fagnar 25 ára afmæli
Setja bókamerki
Laufey Lín Bing Jónsdóttir, tónlistarkona, Grammy-verðlaunahafi og stórstjarna, fagnaði 25 ára afmæli sínu í gær, þriðjudaginn 23. apríl.
Tónlistarkonan er stödd í Washington, höfuðborg Bandaríkjanna, þar sem hún heldur tvenna tónleika, í kvöld og annað kvöld, löngu uppselda að sjálfsögðu. Laufey er um þessar mundir á heljarinnar tónleikaferðalagi um heiminn.
Hún birti myndaseríu á Instagram-síðu sinni í tilefni afmælisdagsins. Heillaóskum rigndi yfir afmælisbarnið frá aðdáendum víðs vegar um heiminn.
Laufey hefur verið á sannkallaðri sigurför síðastliðna mánuði. Hún hlaut sín fyrstu Grammy-verðlaun fyrr á árinu fyrir plötu sína Bewitched í flokki hefðbundinna söng-poppplatna og spilaði á selló í sögufrægum flutningi Billy Joel á hátíðinni.
Hundrað prósent vampíra
229 slösuðust alvarlega í umferðinni
Lyklakippur gegn ofbeldi
„Styttist í nýjustu tíðindi“
„Byggja varnargarð utan um fólkið okkar“
Arðsemin dregst saman
Hefur ekki upplýsingar um ráðningu Karenar