Forsvarsmenn Allard Pierson safnsins í Amsterdam hafa ákveðið að halda munum tengdum Krímskaga, sem hafa verið til sýnis á safninu undanfarið, lengur vegna deilna milli Rússa og Úkraínumanna um hver eigi að endurheimta þá. Elstu munirnir eru frá annarri öld fyrir Krist, en þeir voru fluttir til Hollands frá fjórum söfnum á Krímskaga í febrúar.

Söfnin, sem nú lúta stjórn rússneskra yfirvalda, hafa óskað eftir því að fá munina til baka, en það hafa stjórnvöld í Úkraínu einnig gert. Munirnir hafa verið hluti af sýningu um sögu Krímskaga og á henni að ljúka þann 31. ágúst.

Safnið lætur nú lögfræðinga fara yfir kröfur beggja aðila, en forsvarsmenn hollenska safnsins hafa ákveðið að geyma munina þar til „staðan skýrist frekar“, eða úrskurður dómara eða samkomulag kemur til.

Tengdar fréttir

Úkraína

Leggjast gegn hernaðarstuðningi við Úkraínu

• Landbúnaðarráðherra Úkraínu handtekinn
• Hernaðaraðstoð samþykkt – Vopnasendingar í vikunni
• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn

» Fleiri tengdar fréttir

• Blogga um frétt