Hundur hleypur með hjálp þríviddarprentara

Hundurinn Derby fæddist með afskræmda framleggi og án framloppna. Það þýðir að áður fyrr gat hann aðeins hreyft sig á mjúku yfirborði sem myndi ekki meiða hann. Derby var því heppinn þegar að Tara Anderson ættleiddi hann en hún er starfsmaður 3D System sem sérhæfir sig í þrívíddarprentun. 

Hönnuðir hjá 3D Systems og dýralæknar hafa nú sérhannað gervifætur sem hjálpa Derby að hreyfa sig. Í frétt Cnet kemur fram að áður fyrr var Derby með sérhannaða kerru sem hann gat hreyft sig í. Hún hjálpaði honum að komast á milli staða en leyfði honum ekki að hlaupa og kynnast öðrum hundum. 

Gervifæturnir voru sérhannaðir til þess að passa á framleggi Derby og tók það nokkra tíma að prenta þá með sérstökum iðnaðar þrívíddarprentara.

Í myndskeiðinu hér að neðan er hönnunin útskýrð og má jafnframt sjá Derby á fleygiferð á nýju fótunum.

• Blogga um frétt