Einn helsti leiðtogi stjórnarandstöðunnar í Búrundí var skotinn til bana í Bujumbara, höfuðborg landsins, gær.
Zedi Feruzi, leiðtogi Friðar- og þróunarbandalagsins, var á göngu heim á leið, í lögreglufylgd, þegar skothríðin hófst. Einn af þremur lögreglumönnunum, sem gættu hans, féll einnig.
Árásarmaðurinn flúði af vettvangi og er hans nú leitað.
Andstæðingar stjórnvalda í Búrundí hópuðust saman á götum höfuðborgarinnar á föstudag og hunsuðu þannig tilraunir lögreglunnar til að binda enda á margra vikna mótmæli sem hafa kostað um tuttugu mannslíf.
Mótmælin hófust þegar Pierre Nkurunziza forseti ákvað í apríl að bjóða sig fram í þriðja sinn en deilt er um það hvort hann hafi til þess lagalegan rétt.