Stjórnvöld í Panama hafa beðið Bandaríkin um að framselja fyrrverandi forseta landsins, Ricardo Martinelli.
Martinelli er sakaður um að hafa stundað njósnir gegn meðilmum stjórnarandstöðunnar á meðan hann var í embætti á árunum 2009 til 2014.
Talið er að hann búi í borginni Miami.
Martinelli, sem er viðskiptajöfur, er sakaður um spillingu og fyrir að hafa hlerað síma andstæðinga sinna og blaðamanna og fylgst með tölvupóstum þeirra.
Panama tilkynnti það fyrst í júní síðastliðnum að það vildi að Bandaríkin myndu handtaka og framselja Martinelli.