Flugstjóri farþegaþotu hollenska flugfélagsins KLM fékk hjartaáfall í stjórnklefa vélarinnar skömmu áður en vélin átti að hefja sig til flugs á flugvellinum í Glasgow í Skotlandi.
Flugstjórinn fann fyrir vanlíðan skömmu áður en vélin átti að fljúga til Amsterdam í Hollandi.
Áhöfn vélarinnar hóf lífgunaraðgerðir með aðstoð farþega. Hann var síðan fluttur á sjúkrahús. Fram kemur í frétt á vef BBC að líðan flugmannsins sé stöðug.
Aðstoðarflugstjórinn stýrði farþegaþotunni til baka að hliðinu í kjölfar atviksins. Alls voru 128 um borð í vélinni. Ferðinni var aflýst og voru farþegarnir færðir í aðrar vélar.