Fjórir létust er þyrla og lítil flugvél skullu saman yfir suðvesturhluta Þýskalands. Vélarnar skullu saman yfir bænum Philippsburg, sem er nærri landamærum Frakklands, að því er AFP-fréttastofan hefur eftir þýsku lögreglunni.
Ekki er vitað hvort aðrir hafi slasast við áreksturinn, en svæðið var girt af eftir áreksturinn.
Það er sjaldan sem loftför lenda í árekstri í flugi, en eitt slíkt atvik átti sér þó stað yfir Þýskalandi 2002 er vöruflutningavél rakst í farþegaþotu og kostaði áreksturinn tugi manna lífið.