Borgarstjóri Thessaloniki, næstfjölmennustu borgar Grikklands, var fluttur á sjúkrahús í morgun eftir að hafa orðið fyrir árás grunaðara meðlima hægriöfga-hreyfingar.
Yiannis Boutaris, 75 ára, var viðstaddur athöfn þar sem minnst var fjöldamorðs á Grikkjum í Tyrklandi á meðan á heimsstyrjöldinni fyrri stóð og eftir hana.
Boutaris var fluttur á brott þegar hluti þeirra sem voru viðstaddir athöfnina hófu að beita ofbeldi.
Borgarstjórinn sagði í viðtali við fjölmiðilinn ANA að sparkað hafi verið í hann og hann sleginn.
„Þetta var fyrirlitleg árás en ég er ekki illa meiddur,“ sagði hann.