Verður dæmdur í 28 ára fangelsi

Bandaríski plötuútgefandinn Marion „Suge“ Knight  verður í næsta mánuði dæmdur í 28 ára fangelsi fyrir að hafa ekið yfir mann og drepið hann fyrir þremur árum síðan.

Réttarhöld yfir Knight áttu að hefjast eftir nokkra daga vegna dauða hins 55 ára Terry Carter sem ekið var á fyrir utan veitingastað í Los Angeles árið 2015 í kjölfar deilna vegna kvikmyndarinnar Straight Outta Compton.

Frétt af mbl.is

Viðskiptajöfur eftirlýstur fyrir morð

Knight, sem er 53 ára, hefur setið á bak við lás og slá síðan í janúar 2015 þegar hann var handtekinn og ákærður fyrir morð. Hann var einnig ákærður fyrir morðtilraun og fyrir að hafa ekið af vettvangi eftir að hafa ekið pallbíl sínum á Carter og annan mann fyrir utan veitingastaðinn. Atvikið náðist á öryggismyndavél, eins og sjá má í frétt BBC. 

Knight ákvað að berjast ekki gegn ákærunum í réttarsal en hann átti yfir höfði sér lífstíðardóm.

AFP

• Blogga um frétt